大肚腩有個共通點?

大肚腩有個共通點?

【一齊黎摸下個肚腩】
今日一位女士來針灸減肥...
醫師：你個肚好凍喎！
女士：係呀，所以我女女好鐘意痴住我個腩，佢話涼浸浸好舒服
醫師：正常人嘅腹部係應該暖架
女士：係咩？我長期都好涼架喎，仲以為係正常
醫師：你摸下我個肚
女士：嘩！你個肚係熱架喎
醫師：咁就解釋到你個肚容易積聚脂肪嘅原因

圖片來源：healthyd.com

幫人減肥時經常要針刺腹部穴位，發現肚腩大的人有個常見的現象：肚腩涼涼地，是脾胃虛寒的一個表現。

這類人通常會同醫師講「我飲水都會肥」，原因是他們脾胃虛弱，飲食後身體不能正常地消化吸收，尤其是水份不能正常排泄時，積聚在體內形成「濕氣」，就會容易出現水腫肥胖的情況了。

除了容易肥腫外，他們食量都不是特別大，而且容易出現腸胃不適，例如胃脹、胃痛、便秘、腹瀉等，所以他們用節食的方法也不一定很有效地減磅。

中醫在處理這類體質的肥胖時，必定要先改善脾胃功能，可能你會問：「腸胃好左，胃口咪大左，會唔會更肥？」事實上，我們做的是回復脾胃應有的狀態，而不是刻意開胃，脾胃好，運化水濕的能力改善，身體就能更有效地排走水濕肥脂，再配合適量運動，就事半功倍！